林子博移居英國1個月未搵到屋住:原來唔係我諗咁簡單 (16:15)

文章日期:2021年09月27日

50歲林子博上個月帶同16歲長女詠渝及12歲細仔卓楠秘密離港,到英國展開新生活。昨天子博開設YouTube channel「子博在英國」,並拍片講述目前居英近况。

子博表示雖然到了英國個多月,但原來他和一對仔女仍未找到居所,目前仍住酒店,子女亦未找到學校,「實不相瞞,嚟咗呢度一個月,小朋友仲未返學,我依家仲係住緊酒店,點解會咁呢?唉!原來唔係我諗咁簡單,開頭諗住首先搵酒店落腳先,我就揀咗嚟曼城,英國第二大城市,倫敦住唔起,唯有嚟曼城,嚟住酒店嘅同時,諗住搵啲租盤住吓,原來呢度業主唔係咁容易隨便租個單位畀你住,首先要睇你有冇工作證明,可能好多朋友之前聽過,願意交一年租金就會租到,但原來業主未必會咁做,我依家搵緊樓住。

最大問題好多嘢有關連性,例如你要搵學校,首先要有住址證明,但酒店並唔係住址證明,跟住我可以點做呢,你可以租Airbnb,但有啲人話民宿地址未必得,都係要有一份正式租約,你先可以攞住呢個地址,幫小朋友去搵呢一區學校,我依家冇呢個地址,所以小朋友未有得報學校,嚟緊幾日之後我就會轉Airbnb,因為最大問題唔係轉學校,住酒店最大問題係冇爐頭煮嘢食,除此之外係冇得洗衫,變咗成日喺出面食嘢,同埋我要儲埋啲衫攞去洗衣店洗,所以真係好煩。」

(即時娛樂)

RELATED