由林正峰和游嘉欣主演的《青年心城之撐起青春》，周日（17日）播出的第二集，游嘉欣繼續「轉Look」送驚喜，除了輕淑女造型外，更會以可愛清潔小妹Look登場，為暗戀的阿峰（林正峰飾）執拾房間。第二集亦有高潮位，包括阿峰與阿欣（游嘉欣飾）的粉紅場面。
事緣二人意外地跌倒在阿峰牀上，鏡頭前明顯尷尬，事後訪問嘉欣，她自揭拍攝時「心肝仔卜卜跳」：「有件事好好笑，拍完場戲之後，收音師問我係咪好緊張，因為拍嗰度都幾靜，佢話收音時聽到我個心跳得勁快，我聽番都發現真係咁。」
正峰透露拍攝時有點緊張：「因為男仔始終有啲嘢要避忌，要小心唔好掂到重要部位，二嚟係我哋好想拍到緊張同尷尬感覺。」
