無綫劇集《青年心城之撐起青春》將於周日（24號）播映第3集，是集重點除了林正峰會遇上「頭號情敵」而醋意大發外，他還重拾昔日熱血Mode，對不公平事件大控訴。
憑《青年心城》升呢女主角的游嘉欣，在第3集繼續發揮獨門可愛秘技，演繹大量表情包，同時她在劇中首度挑戰攀石。本身熱愛運動的游嘉欣，為了以最佳狀態拍攝，事前特意抽空學攀石，雖然做足準備，但她表示拍攝時依然險象環生，緊張得手心冒汗。
她說：「嗰場戲我吊喺半空嗌救命，因為我真係吊咗喺有啲高嘅位，當時我只能靠隻手掹住啲石，對腳係冇任何嘢踩住，所以我嗰刻驚到出手汗，我嘅救命係真心㗎，不過成件事係好玩，拍完第二日對手勁痠痛、手指又冇乜力。」
在劇中演熱血富家千金阿欣的游嘉欣，展示「驚人」地獄級廚藝，食到林正峰「變臉」，相當爆笑，不過游嘉欣強調現實生活中的自己並非如此：「我煮嘢食OK㗎，我媽咪識煮嘅我都識，最鍾意食釀豆腐同釀冬瓜。」
