無綫台慶|馬國明湯洛雯拍拖出席 張曦雯跟男友返美探親被催婚 (21:21)

文章日期:2021年11月19日

逾250位無綫藝人及歌星今晚亮相《萬千星輝賀台慶》,眾花旦性感亮相爭妍鬥麗,而馬國明及湯洛雯拍拖出席,而王浩信和陳自瑤出台時,兩人只隔幾個身位,不過就未有交流。

已有一段間沒有露面的張曦雯表示,她3月時曾返美國度假個幾月,返港後要隔離21日,放了一個悠長假期,因為疫情關係,她已有兩年沒見父母及弟弟,今次帶男友返美探親。問到有沒有被催婚?她笑言:「有時會,(男友有無表示?)佢有時都會講下,我哋拍拖唔係玩玩下,而且大個女。(計劃幾時結婚?)仲未。(未點頭?)係呀想事業衝刺一下,今年未有劇出,10月重投新劇《破毒強人》拍攝,同《白色強人》班底系列合作,今次演Madam,從未試過,為塑造形象我要打機,培養麻甩性格。」

相關新聞:無綫台慶|張秀文公布婚訊後首亮相 對生B隨緣 擬斟茶畀媒人Bob

相關新聞:無綫台慶|炎明熹對身材冇信心 未敢挑戰性感造型

相關新聞:無綫台慶|陳自瑤盡豐胸代言人責任 超性感打扮行紅地氈

相關新聞:無綫台慶|TVB小花紅地氈鬥性感 劉穎鏇拉丁舞孃撼高衩葉蒨文

(即時娛樂)