洪金寶、古天樂（古仔）、任賢齊（小齊）、林峯、黃德斌、劉俊謙、張文傑和胡子彤等，今日（30日）於元朗出席鄭保瑞執導的電影《九龍城寨‧圍城》開鏡。電影改編自漫畫，不止古天樂、任賢齊及林峯要親身上陣拍動作戲，洪金寶也笑言未開始拍攝，已感到吃力。
洪金寶繼電影《殺破狼‧貪狼》後，再度與古仔合作，大讚古仔拍動作戲進步不少，現已變成老手，而他自己今次也有一些武打戲。問導演怎樣打動他接拍這套戲？他笑稱：「畀錢我就拍！」他表示5日前剛從上海回港，疫情下很少見朋友，近來也很少與譚詠麟（阿倫）聯絡，但有留意關於對方報道。
問洪金寶是否相信有關報道？他愈講愈勞氣：「我唔知呀！但現在好多嘢我唔信得㗎！好多人話我1949年出世，又話我前妻點樣？攞第2個女人張相又話係我前妻，咁你話信唔信吖？」
至於是否只會當笑話睇？他即說：「梗係啦！又話洪金寶老、成龍老，係呀！講人嗰個唔會老，因為佢會好快釘咗！人梗係會老啦，都戇居！人老最緊要健健康康、開開心心就得啦！」
