MIRROR成員江𤒹生（Anson Kong、AK）昨晚演出《Music On The Road》音樂會時突然感觸落淚，嚇親當時為他伴奏的樂隊ONE PROMISE成員好友周天衡等，立即拍拍其膊頭安撫。
AK事後在社交網解釋︰「對唔住大家，冇忍住，最衰都係周天衡，我以為佢喊，落台先知原來佢唔夠瞓隻眼紅晒。Thank You Very Much﹗多謝兩位兄弟陪住我完成兩首歌，你哋喺隔離很溫暖。」
周天衡卻自言不夠休息時也不會眼紅︰「我同你對望對彈嗰刻，我都唔知我對眼紅紅，但當刻好投入是真的。每次同你一齊玩音樂時，感覺到那份真摰也是真的。可能係大家互相影響啦，你又感動我，我又感動你，咁你咪忍唔住，下次再一齊喊過啦﹗我唔夠瞓其實都唔會眼紅㗎，嗰吓短短十幾秒嘅四目交投，好似有種解釋唔到嘅連結咁，又或者大家企喺台上面都有同一種感受，一種興奮背後但冇人明白嘅辛酸。長氣都要講多次，好愛你，你嘅兄弟。」
