無綫遊戲節目《思家大戰》今晚（26日）播出第16集，參賽嘉賓有周美鳳率領的「聖誕美人」隊，以及家庭觀眾代表組成的「荃灣發吽豆」隊。適逢今日Boxing Day，各人均以一身紅衣登場。李思捷被靚女嘉賓包圍下，即場獻唱聖誕歌曲。
周美鳳率領的「聖誕美人」隊，成員有貝安琪、胡曦文、Amanda S.及周美鳳女兒Florence。Florence與媽媽周美鳳十足餅印，兩母女同是靚女一族！Florence看似怕醜，為了贏遊戲竟大講敏感名詞，更邊講邊笑及指住思捷的敏感位置。思捷即搞笑地向周美鳳告狀︰「你都教得個女幾『乖』，滿腦子都係嗰啲嘢！」
今集最搞笑及應景的問題，應為「李思捷呢一世贏唔到最佳主持嘅原因」，明顯衝住殺入《萬千星輝頒獎典禮2021》最佳男主持5強的思捷而來。由於非常不吉利，思捷忍不住投訴︰「整啲咁嘅問題畀我？我下星期就選最佳主持，有冇搞錯？係咪玩我！」嘉賓的答案十分創新，有人直指思捷衰在樣衰，思捷聞言亦作出萬箭穿心狀，十分搞笑。
