「金句王」黎明擔任張敬軒個唱嘉賓:其實我鍾意你好耐 (19:42)

文章日期:2022年01月01日

張敬軒的紅館跨年演唱會,今天(1月1日)來到第8場,雖然今天開下午3點場,但無損觀眾睇騷氣氛,而今天的表演嘉賓是天王黎明。

軒仔介紹黎明出場前,他表示同事給了一個外界猜的嘉賓名單給他看:「咁易估就唔好玩啦!以下呢個嘉賓,我每次見佢都有好fresh感覺,佢不斷inspire成個香港樂壇,培育新人,做好多創新的東西。」

然後現場響起《眼睛想旅行》音樂,全場陷瘋狂,歡呼聲四起,黎明戴了一個Happy New Year字樣的眼鏡,升出來跟軒仔合唱,又唱又跳之後,更把眼鏡拋出去送給現場觀眾。

合唱完後,「金句王」黎明又爆金句:「依家夜晚充滿浪漫氣氛,但又係下午時間,個時辰仲要係我出世個時辰,你點解咁識揀呢個時間開騷?」

軒仔笑言是七師傅(七仙羽)計出來。黎明續說:「新一年見到老黎,夠晒老黎啦!仲要眼睛想旅行,希望大家快啲去到旅行啦,各位打工仔,就要更受尊重,加人工。」

然後他好客氣跟軒仔說:「多謝你畀機會我合唱,之前我哋又合作咗首歌啦,點解要揀你,其實係我鍾意咗你好耐。」觀眾聞言大笑,黎明反問:「咩?男人唔一定要鍾意女人,可以鍾意男人嘛,我哋首歌叫《Old Fashion》,證明老黎同你一齊玩就夠fashion!」

相關新聞:七師傅嗌張敬軒做「老公」 以嘴唇加持 贈言「一路向西」

(即時娛樂)

相關字詞﹕金句王 黎明 張敬軒 金句