ViuTV節目《膠戰S2》昨晚（9日）播出第14集《6膠回饋粉絲の主題曲企劃》，6位主持呂爵安（Edan）、魏浚笙（Jeffrey）、岑珈其、劉沛蘅、黃正宜（阿正）及徐浩昌（肥腸），開會度橋構思炮製《膠戰S2》主題曲《膠on!》，最後Edan、Jeffrey、肥腸、珈其和劉沛蘅齊齊化身「五色戰隊」，當中4位男主持要戴頭套扮光頭拍MV，期間Edan又鬧着玩作狀強吻Jeffrey，今次Jeffrey則成功避開；至於阿正在MV則要做「八爪魚怪獸」，慘被五色戰隊圍攻，場面搞笑。
MV昨晚在YouTube首播，至今午3時許，已有逾10萬點擊。不少網民留言希望《膠戰》拍第3季，又表示要推《膠on!》上叱咤榜。網民亦激讚Jeffrey就算光頭仍然靚仔又大隻，連劉沛蘅也留言笑問他：「你有咩係carry唔到？」
Jeffrey在Instagram貼相並留言：「『光頭煨』正式誕生，邊個話我有偶像包袱！連光頭拍MV都俾我諗到，希望大家睇得開心聽得開心，真係唔好意思，光頭騎劫咗成個MV。」
