連環爆緋聞的張天賦（MC），今天（26日）出席一個NFT發布會。對於他先後被爆跟《全民造星IV》參賽者鍾卓穎（Ash）及MV女主角陳濬樺（Santis）逛同一超市，有傳Santis與網紅「熊仔頭」秘婚，同樣是人妻；MC受訪時表示心情沒受緋聞影響，又指自己最近跳舞、健身、學琴及學唱歌。
問到會否擔心報道影響形象？他說：「唔係乜嘢負面新聞，唔擔心。（介入別人婚姻？）一張超市嘅相，要去到咁大指控，之前已交代過係朋友，所以都冇乜回應。我依然會同朋友做朋友會做嘅事，我會去超級市場，係好正常社交。（鍾意行超市？）咁啱畀人影到咋喎，好正常嘅活動。（異性不敢和你出街？）咁又冇，我會擔心佢哋驚，但身邊朋友話冇問題。」
至於跟Ash和Santis有沒有聯絡？他說：「冇聯絡，公司都話應該最好保持番啲距離，但未去到朋友都冇得做。（暫時不會找女仔拍MV？）呢個真係唔知，睇公司安排。（同男仔拍MV？）好多人提議同洪嘉豪，可能過多一排傳我同佢。」
