「頭炷香KOL」黃夏蕙化身小虎妹拍賀年MV 熱情送吻 (17:57)

文章日期:2022年01月27日

作為「頭炷香KOL」的黃夏蕙,因為疫情關係,今年無得上頭炷香,但夏蕙姨參與由甄采浠(前名甄詠珊)、安俊豪、蘇家欣、李妍、吳啟釗及葉芷如等合唱的賀年歌《我要祝福你》MV演出。在MV中,夏蕙姨以「小虎妹」造型現身,還在MV內熱情送吻;她又跟安俊豪及吳啟釗「拖手仔」,祝福各人新一年大旺。

對於無得上頭炷香,夏蕙姨說:「年初一冇得入黃大仙,已經係注定,其實每一個宗教嘅信仰都會喺信徒心中永恆不滅,當然如果可以親自到黃大仙廟上香就心安理得啦,不過依家政策咁樣,乜我可以講多一句說話咩?只有希望2023年可以一切如舊,年三十晚上頭炷香啦!」

參與賀年歌MV演出,夏蕙姨一口答應,覺得新年喜慶洋洋之餘,更力撐新生代歌手。他們見到夏蕙姨現身也感驚喜,甄采浠說:「公司事前只係同我哋講有特別嘉賓,所以見到夏蕙BB都好開心。」

安俊豪覺得夏蕙姨是新年代表人物,能和對方合作,寓意新年有好開始。對於被夏蕙姨送吻,蘇家欣笑說:「佢好熱情,又好好人,搞到我都怕醜呀!」

(即時娛樂)