林盛斌（Bob）和老婆Pearl婚後育有3女1子，一家六口幸福美滿，昨天（14日）情人節，兩公婆暫時撇低仔女享受二人世界。
Bob在社交網貼了和老婆肉緊咀嘴合照，他搞笑寫道：「食咩飯送咩花吖，唔使搞咁多嘢嘅，求其錫啖咪得囉！天口㷫，悶悶地，又冇街去，今（昨）晚食兩隻蠔，試吓生多個先。」
不少圈中人也留言叫他加油，陳家樂稱Bob是真男人，陳煒則留言：「祝你一擊即中。」陳山聰搞笑稱：「喂﹗咪搞寸晒個Party喎﹗」
Pearl亦在Instagram貼了和Bob慶祝情人節的短片，她寫道：「唔該你換返件出街衫，陣間同我影個十連拍。👦🏻：點解？喺邊度出？👩🏻：慶祝情人節！冇花收都要影啲相！我自己出！👦🏻：.............」。
