曾被小妹妹叫錯Anson Lo 姜濤雪前恥好得戚 (23:14)

文章日期:2022年02月19日

ViuTV新劇《季前賽》在趕工中,姜濤、郭嘉駿(193)、邱士縉(Stanley )與強尼等睡眠不足情況下更冒寒在戶外拍攝,埋位前各有禦寒百寶。193自備暖包還有毛毯但被姜濤取去,他邊拍片邊問姜濤:「做乜偷咗我條巾呀?」姜濤回應:「好凍呀!」但繼續以毛毯包住自己沒有歸還的動作。

《季前賽》有小朋友參與演出,早前姜濤被同劇的小妹妹叫錯英文名「Anson Lo」而被193取笑。今日姜濤上載另一條跟小妹妹對話的短片,問:「我係邊個?」小妹妹答:「你係姜濤,我依家知你英文名唔係叫Anson Lo。」姜濤終於一雪前恥,鏡頭前表現得戚表情。姜濤喜歡小朋友,Stanley 也上載一條跟姜濤爭女的短片,姜濤與另一名小朋友要求小妹妹在MIRROR中揀一個,小妹妹說全部都一樣。姜濤堅持要小妹妹揀一個,她有點為難,Stanley走近問姜濤:「做咩搞我個女呀?」姜濤反問:「邊個搞你個女?」Stanley對小妹妹說:「晴晴,我哋返嚟嘞!」姜濤指住Stanley笑他是怪叔叔。

(即時娛樂)