孖黃愷怡主持抗疫節目 林希靈嘆疫情影響心情 心理壓力怕連累家人 (16:05)

文章日期:2022年03月07日

香港開電視為疫情特別炮製的直播節目《全城抗疫講呢啲》,逢星期一至五晚上9時播出,最近邀請了「正義女神」林希靈(Agnes)與黃愷怡(Jasmin)加盟,伙李臻擔任主持,在節目中邀請政府官員及不同範疇專家即場解答抗疫問題,以及速報最新疫情狀况,為觀眾提供抗疫資訊。

Agnes和Jasmin離開無綫後,首次為開電視節目擔任主持,她們表示興奮。Agnes笑說:「沒想到,因為之前喺舊東家由兒童節目就合作,一離巢第一個節目就再度合作。」2人透過節目了解更多防疫資訊,近日在節目中邀請了口罩專家教大家怎樣戴口罩才最安全,再加上皮膚科醫生,教大家解決用消毒酒精令雙手皮膚變差的問題。

問到疫情下生活可受影響?Agnes毫不諱言:「喺超巿買唔買到嘢?冇,屋企附近超巿冇晒嘢,呢幾日朝早我都奉阿媽之命揸車去買嘢,不過都淨係買到罐頭。」

Jasmin亦慨歎生活改變不少:「見少咗屋企人,我哋平時接觸嘅人幾多,我怕經常返屋企嘅話(增加感染風險),始終父母唔年輕。」

Agnes表示疫情影響最多的是心情:「我有打針,即使確診,我哋呢種年紀唔會太嚴重,但怕感染到朋友、同事,怕連累其他人令我有啲心理壓力。」

2人首次同李臻合作,Agnes對於能跟新聞王子李臻拍檔特別興奮,她說:「從前喺電視見到佢,都不覺得佢咁高大、俊俏、帥氣。」Jasmin即笑她擦鞋:「你唔好咁樣啦好冇?」

(即時娛樂)