泳兒今晚（30日）透過視像方式，接受由強尼和沈殷怡主持的ViuTV資訊節目《今日疫情》訪問，期間泳兒的愛犬不停在她身後的梳化走來走去，並咬住波玩，十分可愛，成功搶鏡。
泳兒表示疫情下仍然有錄音，但最麻煩是解決晚餐問題：「有時做完嘢肚餓，想出去買嘢食，但好多店已關，有時要同監製留意，唔可以錄到唔記得時間，因為6點後好難叫外賣，呢個影響都幾深刻。」
泳兒又指留家抗疫期間，熱衷執屋打發時間，她說：「平時間屋同間房都幾亂，自己見到都頂唔順，執到好多冇乜用嘅嘢，要學習斷捨離。（有沒有找到「寶物」？）有呀，我竟然搵返一本20幾年前嘅畢業冊，嗰晚執完再睇番後，好多珍貴回憶返晒嚟。（找相關同學？）有呀，我同學喺新加坡。」
