林盛斌（Bob）重視家庭生活，日前就陪伴家人外出行街購物。Bob嫂黃乙頤（Pearl）在社交平台透露，阿Bob對他的三位前世情人十分有耐性，當三個女兒在時裝店的試身室試衫時，他一直無怨言地在外等候。
Bob嫂說︰「嗰日，三位小姐喺時裝店買衫，已經試咗十萬轉...當諗住俾錢嘅時候，仲要再試多件。JAYE問：乜唔係試完喇咩？（不耐煩MODE）爸爸答：係呀﹗仲要再試多次，女仔係咁架喇﹗JAYE：...... 利申 - 拍拖嘅時候除咗林先生要我買衫所以要試之外，佢好似從來冇喺試身室門外等過我﹗」
不少網民留言讚阿Bob表現出「爸爸的愛」，Bob嫂表示︰「幾個女輪着試衫，等咗佢好耐。」有網民說︰「沒辦法，爸爸的前世情人。」Bob嫂答︰「 所以佢唯有靜靜坐喺度。」
