政府今天（21日）起首階段放寬社交距離措施，健身室、美容院和戲院等處所重開。不少市民到戲院睇戲，去美容中心做facial，或到健身中心「報復式」操肌。
快將24歲生日的魏浚笙（Jeffrey），去年為拍偶像劇《i.SWIM》努力操肌，由瘦削男變大隻仔，練得一身好肌肉。Jeffrey今天趁健身中心重開，在Instagram限時動態上載麒麟臂照片；Jeffrey同劇拍檔王智騫（Martin），也在健身中心打卡自拍。
至於伍詠薇今午在Ig貼片，並留言：「今日全香港嘅美容院開返啦，我第一時間即刻嚟個反轉大清潔行動，睇片就知我幾興奮啦！始終喺屋企做facial，都唔及喺美容院度有專業美容師，仔細去管理皮膚，咁本小姐都唔客氣啦，即刻嚟個大清洗兼做個白松露嘅靚facial補吓先。」
