鍾麗淇談母親節願望 盼11歲大女叫一聲「媽媽」 (17:36)

文章日期:2022年05月07日

鍾麗淇接受由車淑梅主持的《舊日的足跡》訪問,談到母親節願望,並憶述與丈夫相識經過和媽媽如何令她釋懷等。

今年母親節,鍾麗淇最渴望聽到大女兒叫她一聲媽媽,就算說不清楚,只是一句「唔唔」,對她來說已是最好的禮物:「每次我叫佢叫我媽媽,佢都會偷笑。我知道佢明白,只係暫時講唔到,我知道有一日,佢一定會講出嚟。」

鍾麗淇一直努力照顧患罕見病的大女兒Isabella,女兒曾被醫生斷定過不了2歲,但她已經慶祝了11歲生日:「我從來冇倒數,只追求女兒每日都有少少進步,我已經覺得好開心!」鍾麗淇表示她與丈夫不曾埋怨過,2人認為命運既定,已接受上天給他們安排的路。

多年來大女兒的身體狀况時有好壞,小女兒願意照顧家姐,讓鍾麗淇感到欣慰:「我兩個女感情好好,我冇要求細女一定要照顧家姐,但佢會,太好喇,佢唔會都冇問題,我唔會怪佢,唔會畀任何壓力佢。」

鍾麗淇表示與丈夫已有老夫老妻的感覺,回想當年,回復單身的她本來對愛情存有恐懼,又認為自己30歲已很老,朋友勸她不要把自己收起來,結果1年多後,她在蘭桂坊見到現時的丈夫:「第一眼我以為佢比我年輕,我未必接受到,朋友搶佢身分證嚟睇,佢真係大過我!我哋開始拍拖,佢好幽默、老實,我好信任佢。當時我媽媽已經病重,佢一直都想我結婚生仔,我做到....我結婚斟茶畀佢要倒入胃喉,喺教堂行婚禮,媽媽喺輪椅度觀禮,係好溫馨嘅回憶。」

Isabella於6個月大時確診罕見基因病,個幾月之後鍾媽媽與世長辭,鍾麗淇感覺到那是媽媽自己的選擇:「佢回魂嗰日我發咗個夢,好清楚記得我同佢坐喺間房,佢坐喺我隔籬,好靚,係病之前健康個樣。佢第一句就話舒服晒。我好想攞個電話畀佢睇Isabella嘅相,但點都搵唔倒,佢攬住我,話『唔使搵,我知道』...跟住我就起咗身。我好多謝佢畀我嘅信息,佢知道我好需要呢樣嘢。我一直怪責自己冇做好做女嘅責任,我只係不斷講唔開心嘅事,令佢唔開心,呢個夢畀我知道佢冇責怪我,好惜我。」

(即時娛樂)