勁騎26|Alton唱埋主題曲 以13個字形容歌曲孕育過程 (21:50)

文章日期:2022年05月07日

MIRROR成員王智德(Alton/王勁)除了主持ViuTV節目《勁騎26》外,並唱節目主題曲《道路使用者的有型守則》,MV亦在YouTube上架。

Alton今天(7日)在Instagram分享歌曲孕育過程,並以13個字形容:「無中生有 全力以赴 畀埋條命你」,他感謝王雙駿(Carl叔叔)一句說話:「我幫你搞囉﹗」而成就此歌。Alton寫道:「證明咗有紋身唔一定係壞人,多謝貓仔俾我介入佢嘅感情生活,我完全騎劫咗佢拍拖嘅時間,多謝你哋佢哋同埋你哋,有人播種都要有人淋花先會結果,咁當然要加番兩分信念就very good喇﹗」

同時Alton多謝公司幫他順水推舟上架,但強調今次不是處女派台歌:「(處女座係咁㗎啦講清楚啲好),啲煙花炮仗導彈慶祝可以收返起先,有生之年如果有機會嘅話,到時大家再傾囊而出都未遲,我會繼續努力。至於呢首歌嘅內容...其實你睇歌詞就明㗎啦,反而我想知你哋最鍾意邊一句?吖﹗節目仔未完㗎,仲有五集,嚟緊一至五十點半衝埋佢啦喂。」

(即時娛樂)