由薛家燕和范振鋒主持的新城節目《開心大派對》，邀來馮素波（波姐）、徐小明及劉惠鳴擔任嘉賓。波姐擬紀念爸爸馮峰對藝術的貢獻，廣邀好友出演以「藝術傳承」為主題的音樂會《峰波情未了》。
波姐憶述年輕時，爸爸馮峰曾給予她一批手稿，當時自己什麼都不懂，所以一直未有處理；直到去年身體出現毛病，住院養病其間得到「領悟」，「手稿入面記載好多爸爸以前情史同成就，所有點點滴滴令我回憶童年。手上好多以往嘅手稿同信件相片都係實物，好想記錄爸爸所有事情，以及自己經歷，但實在太多嘢，想將佢數碼化，唔想畀囝囝太多負擔，所以有今次呢個念頭，將所有嘢整合」。
徐小明跟馮素波早於童年時相識，但因小明哥遺失波姐電話號碼，結果鬧出笑話：「我開頭唔知係邊個，所以冇聽佢電話，之後波姐傳信息畀我，傳埋一張自拍，話自己係馮素波，我仲以為係詐騙電話，所以一直唔敢聽，怕被老婆發現。直至我搵朋友要波姐電話後，先知道真係波姐搵我。」
