歌手黃劍文與紅酒KOL May Wong日前拍攝「香港零售科技商會」網片，尋覓香港美食為餐飲業復蘇打氣。
其間黃劍文到訪日本餐廳，他更品嘗新鮮南美海膽，少吃魚生的劍文面露難色，場面搞笑：「我以前好少食海膽嘅，慢慢配埋壽司飯都可以接受到，頭先導演要我一大嚿咁食入口，啲味濃到『漿』住個口講唔到嘢。經歷今次之後，接受程度係高咗。」
2人要到多間餐廳拍攝，劍文更吃足6餐，相當開胃：「得罪講句，其實我係食極都唔肥，反而呢刻係想增磅，所以拍飲食節目難唔倒我，不過我唔敢同人講，因為咁囂張怕畀人打。嚟緊月底我都會出新歌《人間飄浮》，有時都會靠暴飲暴食攞靈感，如果成績好而疫情又OK，我就請fans食餐勁嘅。」
