吳雨霏（Kary）及吳日言（Yan）均在上月再為人母，Kary月初時為丈夫洪立熙誕下孻女Noa，Yan則在月尾時誕下細仔，為丈夫Barry湊成「好」字。Kary昨天在社交平台上載Noa的腳仔照片，留言表示女兒已滿月，一家人疫情下預備了蛋糕慶祝。仍在坐月的Yan就在社交網分享她3年前抱住初生大女Beatrice的照片，以及現在抱住初生細仔的照片作對比。她說︰「2022 VS 2018，初生嬰兒個樣個個都差不多。因為大部份時間都係瞇埋眼，根本都睇唔到有乜分別。但係原來仔細睇，兩姐弟都真係幾似樣，你又分唔分辨到？」
