童時愛上你|胡楓袁文傑鬧交戲搶鏡 傾足球經傾出默契 (16:36)

文章日期:2022年07月14日

無綫劇集《童時愛上你》昨晚播出第13集,胡楓(修哥)飾演的雷董為阻止兒子Raymond(袁文傑飾)當上「朗寧振海」主席,要求曾頂替Raymond食死貓坐監的Wilson(鄭啟泰飾)爆Raymond黑材料,更出招扮喊博同情。得悉陰謀的Raymond與父親講數,力竭聲嘶鬧雷董「寧願信個有病嘅阿妹都唔信我」。

袁文傑在劇中不時發火罵人,他坦言拍攝時有點累︰「好多戲都要用好多力氣去鬧人,情緒繃到好緊,起伏好大。」跟胡楓有不少對罵戲,他說︰「不太緊張,我哋拍第一場戲就已經要鬧交,嗰時雖然未係太熟,但一埋位就已經要互鬧。之後大家慢慢熟絡咗,感覺完全唔似第一次合作,修哥真係好好人。」

袁文傑坦言跟胡楓非常投契︰「修哥好風趣幽默,最記得有一次放飯時,佢同我傾波經,佢講番以前啱啱出道時都有入場睇足球。佢懷緬一番時,我又可以和應吓佢,大家變得更加投契。咁啱嗰段時間要拍啲感動嘅戲,大家有共同話題對整個事情都有幫助。」

(即時娛樂)