金像獎|許冠文膺終身成就獎自覺好命 笑稱:咁快同我埋單? (20:40)

文章日期:2022年07月17日

第40屆香港電影金像獎頒獎禮今晚(17日)在九展舉行,先由人氣男團MIRROR載歌載舞獻唱主題曲《金人》,獲得全場掌聲。

然後由黃子華負責頒終身成就獎給許冠文(Michael),Michael獲獎時說:「以前畀乜嘢獎會諗到講乜嘢,今晚第一次諗唔到講乜嘢,啲人話你成就仲要終身,大家提示我有乜嘢講。今日我想坦誠啲,多謝金像獎畀我呢個珍貴獎盃,40年前我攞最佳男主角,以為獎盃陸續有來,一路40年,等到今日,一個都冇,上個月會長(爾冬陞)打畀我,話『我哋準備畀你終身成就獎』,我話『吓!咁快同我埋單?』,終身成就獎即係埋單,我仲要攞獎喎。

會長話你放心啦,如果你叻仔到好似謝賢(四哥),你就一啲問題都冇,謝賢攞終身成就獎,分分鐘攞埋最佳男主角,四哥坐喺裏面,四哥對我好大鼓舞。我真係唔覺得終身有乜嘢成就,我只係覺得自己一世好命,可以喺香港全世界最美麗、最浪漫、最有機會嘅地方,喺呢度成長,係我嘅好命。」

(即時娛樂)