洪卓立（Ken）近日在社交平台上載兩張贏波贏馬的相片，其中一張是他早前以1000元賭波贏得11500元；另一張就是他6月中賭馬，以賭本720元成功贏回73994元的圖片。洪卓立當時在照片上留言︰「間唔使會玩吓嘅，小注怡情，最好彩呢次，不過輸番晒出去了﹗」3個月就將贏回來的7萬多元通通輸掉。
洪卓立昨天（19日）在Instagram回答網民提問，他被問到有沒有再贏波贏馬時無奈地說︰「就算有都唔敢開心share啦，話明間中玩吓，又話人爛賭，認真嘢又唔見佢講唔見佢報，亂講個啲又反而咁認真。」
有網民表示︰「會唔會覺得好多人對買馬買波呢啲印象唔好，反而股票嗰啲就無事，明明大家都係賭博/ 投資？」洪卓立說︰「我唔敢講邊樣啱、邊樣係唔好、邊樣係有技術，邊樣係靠運氣，我亦唔係鼓吹緊人哋去做呢兩樣嘢。你有你鍾意嘅球隊，我有我睇好嘅公司。只能夠講，小注怡情。至於個小注點樣去畫尺，我諗就要睇番你自己，唔好過分就成立。」
