MIRROR全新團歌《WE ALL ARE》今天（10日）正式派台，隊中年紀最細的邱傲然（Tiger），自從7月28日起，便並無更新Instagram帖文，直到今天Tiger終於「上水」抒發感受，他貼了新歌封面照，並寫道：「喺適當嘅時候停落嚟，沉澱一下，喺適當嘅時候，就需要擁抱過去向前行，繼續做好自己﹑繼續向善，可能需要多啲嘅時間同埋等待，但我相信一切都會變好。
感謝大家一路嘅陪伴和公司嘅付出，也抱歉令大家擔心。無人會知道將來會點，但至少我哋一齊行落去，都可以走出一條路，等待大家都沉澱好，我們必定會再出發。」
