方力申（小方）今天（22日）為鄭丹瑞（旦哥）主持的港台電視健康節目擔任嘉賓，小方表示有入戲院捧前度鄧麗欣主演的電影《飯戲攻心》場，至於肯不肯再跟鄧麗欣合作？他說：「肯！點解唔肯？我從來都唔㨂合作對手。」
問現階段是否會較多拍電視劇？小方笑道：「唔係，拍烏蠅多，都冇嘢做。」他在無綫台慶頒獎禮共有6個提名，更憑劇集《美麗戰場》躋身爭「視帝」之列，問可有信心？他說：「我又唔係親生仔，所以平常心，有提名都好開心，最有信心當然係男主角獎，我係電影男主角來的，但通常攞完獎先拍烏蠅，我就提早拍烏蠅先。」
節目組特別為旦哥預祝67歲生日，他笑指網上資料寫他12月生日，甚至老婆的名字，都是錯誤，正確是1955年11月27日出生，與細女同日生日，所以永遠去同一地點，相約老友和女兒食飯慶祝，生日願望是來年更努力工作，提到所有電視台他都差不多合作過，他即笑道：「HOY TV未請我囉！」
