吳千語、黃宗澤、蔡潔等今日出席《我和殭屍有個約會》電影版《驅魔龍族馬小玲》開鏡儀式。電影版的演員陣容備受爭議，導演兼編劇陳十三被問到為何不安排《我和殭屍》中飾演「馬小玲」的太太萬綺雯參與演出時說︰「唔講得，只可以話有好多驚喜，驚喜唔止一個，大家拭目以待捧場啦！」陳十三表示萬綺雯已回港，但未有參與選角。他說︰「交晒畀我處理，當初都係我揀佢，佢相信我揀，亦好滿意。」
對於網民批評飾演電影版馬小玲的吳千語，長腿吸引力不及萬綺雯，陳十三說︰「唔可以咁樣比較，今次故事係發生喺另一個時空，係一個新嘅馬小玲。電影版會有經典場面同人出現，但唔會完全相同，始終演員唔係殭屍，會隨歲月變化，呢個情况下要傳承落去，必須搵新嘅接棒人。我相信今次卡士，其實已經幾好。」
吳千語表示其造型雖仍是以短裙為主，但比初代馬小玲型格。她說：「好多人問我驚唔驚有比較，其實只係同一個名，而且冇得比！佢嗰個經典形象，永遠最深入民心，我都好期待導演會安排我哋相遇。」黃宗澤、蔡潔分別飾演況天佑及王珍珍，黃宗澤直言今次最辛苦是為演殭屍而第一次戴隱形眼鏡。
