黎明（Leon）昨晚舉行尾場戶外演唱會，獲不少歌迷送上禮物。他拿着歌迷送的公仔珍而重之，指公仔的眼鏡彎了。Leon說︰「人家送畀我嘅禮物，我唔捨得唔惜住。噚晚有歌迷送咗一個公仔畀我，後來發現公仔只有一隻鞋，好彩今日搵到。」當他唱完《一生幸福》後，現場一片寧靜。當歌迷準備大叫「Leon」時，Leon突然有感而發:「好靜，你哋唔好講嘢。頭先有啲霧吹過，加上兩盞大光燈，我好似喺個海中間，完全見唔到任何人，好似一個人都冇咁。每次都有好多唔同嘅經歷，會喺自己腦海中記低。好彩今日冇落雨，要多謝個天，預祝下次見你哋唔使戴口罩啦﹗」觀眾立即歡呼認同。是次演唱會破天荒結合著名設計師Vivienne Tam的新一季時裝騷，Leon說︰「每次演出都有唔同回憶，大家喺唔同地方見面。今次有Fashion Show，唔知將來有冇機會行Catwalk呢？一定有嘅，來生啦﹗人哋喺台上嘅模特兒真係需要長時間訓練，無人唔辛苦㗎，最重要大家開開心心，過開心的聖誕、新年。」
