「視后」林夏薇（薇薇）日前以代言人身分，為一款保健產品拍廣告，她身穿白色低胸大露背裝，騷香肩兼曬白滑美腿，性感貴氣盡現。
薇薇雖貴為人妻，但仍少女味十足，難怪得到廣告商青睞，成為今次逆齡保健產品代言，薇薇向來對保養甚有心得，中學時期已開始專注研究護膚及養生，薇薇說：「中學時期已意識到保養，但由於讀書時期冇錢，所以用好多天然物料：黃瓜、牛奶、雞蛋等護膚，仲會睇好多書研製面膜，身邊同學都封我做『美容達人』，因為我會以最低成本同最天然成分作保養。」
除了保養之餘，薇薇最大的逆齡秘訣，莫過於飲水及做運動，她說：「每日都會飲2000cc嘅水果水，同埋我經常做運動，唔需要開劇嘅時候，我每日都會做個半鐘帶氧運動，如果開劇好忙，我都會做啲簡單拉筋。」
薇薇自成為「視后」後，雖有不少搵真銀機會，但論大規模廣告拍攝，今次還是首次，她表示：「之前受疫情影響，好多廣告都冇辦法進行，今次係疫情以來，第一次咁大規模嘅廣告拍攝，廣告商投放好多資源，連續16小時拍電視廣告同硬照廣告，仲要擺出超高難度動作，超級攰，不過見到好靚製成品又好有滿足感。」
