MC張天賦昨晚（20日）於紅館展開一連三場《This is MC演唱會》，MC盡展音樂才華，除彈琴自彈自唱《記憶棉》外，在台上頻頻自嘲，MC坐在超級市場購物車上出場，唱出《反對無效》，由舞蹈員推著購物車繞場，MC自抽約人妻逛超市緋聞，台下尖叫不絕。
此外，MC還自嘲Playboy、MK、身高矮，他玩到㷫烚烚時，揈一揈上衣唞涼時，台下觀眾大叫除衫，MC笑說：「我認衰仔先，呢個紅館騷冇除衫環節，唔好搞我，下次Part 2先啦！」
MC坦言經驗尚淺，起初不明白為何在紅館開騷，安排5名Dresser幫他換衫，因為自覺已大個仔，換衫應該自己處理，直至個唱綵排時，才發現要在2分鐘內換完衫再上台，是有難度，他笑說：「我唔夠高，攝鞋墊都要時間，真係要Dresser幫手。」唱到《GOOD TIME》，MC更走近觀眾席握手，有粉絲趁機向他派大利市，氣氛熱鬧。
相關新聞：人妻楊洛婷成功跟MC握手 笑稱唔洗手 網民：Tim已成前夫
相關新聞：MC紅館唱《記憶棉》 林盛斌孻仔突然人有三急 Bob：係咪玩嘢呀？
