蔡思韵（Ceci）在農曆新年期間外遊充電，首次踏足泰國的她，陪家人共度新年。她說：「未畢業已經開始工作，加上呢幾年疫情關係，畢業後一路希望遇到好劇本，所以每次工作完，都會期待下一個故事，呢幾年機會難得，所以都唔敢放長假，今次真係好認真去玩。」
Ceci分享旅行靚相，並罕曬泳照，她站在酒店池邊，享受和暖天氣，Ceci露背和騷長腿，展示健康性感，享受熱辣辣假期，她說：「好多年冇試過同家人旅行，好多人都去咗N次泰國，我居然係第一次去，因為疫情過後，真係好想過熱辣辣新年，一於陽光海灘曬餐飽。」
對於泰國處女之行，Ceci有不少新發現和新經歷，她說：「出發前之前化妝師都有提醒我，搽多啲防曬，但都曬黑咗，膚色睇落又好似幾健康，趁機會吸收維他命都唔錯，而且陽光海灘地方，可以着得清爽啲，符合天氣同旅行心情。今次旅程最享受泰國椰青同美食。同時去咗浮潛，當地海域適合浮潛，最幸運係見到海龜，當地人話海龜不常見，要有啲幸運先遇到，可以近距離見到又影到，超級開心！」
