風再起時|何珮瑜首與梁朝偉合作被電親︰佢太有魅力 (16:09)

文章日期:2023年02月08日

何珮瑜(Jeana)在電影《風再起時》中飾演梁朝偉的太太,她昨晚出席首映時稱首次跟梁朝偉合作十分緊張,直言被對方的電眼迷倒。Jeana說︰「第一次合作,我稱呼佢做梁生,梁生就好幽默咁話:『你嗌我Tony都得㗎啦。』我話:『Tony?係嘅,Tony哥。』自此拍戲期間我都係叫佢做Tony哥。第一次見面就畀佢對電眼電到,望住佢對眼我呆咗幾秒,實在係太有魅力啦!」

她稱讚梁朝偉是位很好的前輩,十分關心後輩,而且十分幽默。Jeana說︰「記得嗰陣時我啱啱智慧齒發炎,要喺拍攝當地睇牙醫,最後剝咗兩隻智慧齒,Tony哥知道,每一日開工佢都會問我:『點呀,你隻牙好番啲未呀?』我話:『好番啲啦。』好搞笑,佢好關心後輩啲牙㗎,哈哈。同埋因為佢知道我哋緊張,所以佢都成日都會講吓笑,好幽默咁講,可能節奏比較慢,你係Feel到佢係想緩和個緊張氣氛。」

原來Jeana與梁朝偉在戲中有激吻戲分,Jeana說︰「我最多對手戲就係同Tony哥,因為我係飾演佢太太。其中有一場Kiss戲,我真係好緊張,事前已經叫買定烏龍茶、買埋牙刷清潔口腔,我諗呢場係我咁耐以嚟最緊張嘅Kiss戲,都NG咗3、4次,哈哈。」電影背景設定在上世紀中葉的香港,Jeana飾演的「南江太太」的服裝造型充滿上世紀的懷舊韻味,尤其是在與梁朝偉飾演「南江」探長結婚場景中,她所穿的婚紗非常復古精美,讓人眼前一亮。

(即時娛樂)