由森美、戴祖儀（Joey）、賴彥妤（Vivienna）、魏韵芝（Joyce）和王嘉慧（Cathy）擔任主持的資訊節目《LAW霸女神》，今（20日）晚播出的第5集，邀來吳業坤擔任嘉賓，主題是「網絡」。
今集第一段情境片段，有Joyce化身KOL大派福利，片中她為了引人睇直播，不惜脫去外套大騷小背心，又於社交平台舉行抽獎活動送簽名照片，問題是此舉有否觸犯法例？對此坤哥突然「自首」口窒窒說：「我好似有做過呢啲嘢，都係送親筆簽名相。」
明（21日）晚播出的第六集，邀來馮盈盈擔任嘉賓，主題是「旅遊」。其中一段情境片段，Joey化身萬人迷校花，獲「翻版王浩信」林俊其及林正峰瘋狂追求，兩人分別在公眾沙灘以不同形式向Joey表白，問題是兩人中哪一位觸犯法例？盈盈笑言：「兩位邊個觸犯法例都好，佢哋當Joey係女神，睇嘅時候都會覺得唔啱常理。」Joey聞言即反擊：「你一嚟就咁樣，信唔信我爆你大鑊！」
之後盈盈答問題時戲精上身表情多多，森美睇到眼冤之餘，更拉Joey落水謂：「你唔使畀咁多戲我，同戴祖儀一樣咁誇張。」盈盈聞言撒嬌謂：「我特登去讀咗書同進修，先夠膽嚟呢個節目㗎！」
