曾志偉爆李佳龍婷吳大強多Job 《聲夢3》延至明年初再辦 (16:58)

文章日期:2023年04月25日

曾志偉、陳百祥、陳展鵬、單文柔、張頴康、李思雅、蘇志威,今天(25日)到清水灣出席《福幼慈善高爾夫球賽》,大會公布賽事籌得80萬。身為無綫總經理的曾志偉表示,上午為善慈落場打波,下午會趕回公司開會,因為今年好多綜藝節目排隊處理,如《中年好聲音2》、《國際中華小姐競選》、《香港小姐競選》、台慶騷、音樂頒獎禮等。

提到《中年好聲音》賽果惹做馬之嫌,有指周吉佩夠年輕有商機,因而被選為冠軍得主,志偉說:「邊有做馬吖?我哋冇阻評判評分,亦有核數師,本來想安排核數師上《東張西望》澄清,但覺得唔使太嚴重,公司簽晒100強參賽者,若果要做馬都揀年紀大參賽者,證明真係中年好聲音,𠵱家最多工作唔係後生嘅周吉佩,而係是龍婷、李佳、吳大強,吳大強已經接咗廣告,仲勁過佢個仔。」

志偉稱《中年好聲音2》現已接受報名,歡迎藝人、首季被淘汰的參賽者再參加,他說:「其實我都推薦過一啲人參加首季賽事,只係被淘汰咗,冇諗過參賽者水準咁高。」

至於無綫是否投放資源《中年好聲音2》,取消製作《聲夢傳奇3》?志偉否認:「《中年好聲音》 係小兵立大功,所以我哋開心到不得了,過往《聲夢傳奇》賽事用最多錢製作,《聲夢傳奇3》推遲到明年初再辦,皆因目前想先做好第1、2屆聲夢歌手。」

(即時娛樂)