昨天（2日）是羅家英與汪明荃（阿姐）結婚14周年的日子，兩人在社交平台上載齊齊舉起手騷結婚戒指的片段放閃。家英哥說︰「呢一日係5月2號，我哋結婚14年啦﹗我就冇乜嘢好送，因為我哋以前有對結婚戒指...」阿姐緊接道︰「被賊偷咗﹗」家英哥續說︰「對戒指唔係我買，係佢（汪明荃）買，買咗之後帶咗冇幾耐就擺咗入保險箱。點知，成個保險箱被賊偷咗，對戒指就冇咗。我諗諗吓買啲乜嘢好呢，就買戒指啦，喺電腦入面搵番呢對戒指嘅款同型號，冇幾耐之後就會鑲番個名上去。」阿姐連說兩句「好感動呀」，讚戒指很漂亮，更與家英哥齊齊嘟嘴互送飛吻，十分甜蜜﹗
