ViuTV音樂頒獎禮《CHILL CLUB推介榜 年度推介22/23》今晚（7日）舉行，大會今年改賽制，16個項目的獎項當中包括4項歌曲獎、7項個人獎、4項幕後獎及Genre of The Year大獎，並安排樂迷上台揭曉賽果。
馮允謙（Jay）先拔頭籌，憑《報復式浪漫》獲頒「年度節奏藍調歌曲獎」。此獎項的總投票人數是115248，而《報復式浪漫》就獲得61793票。
「年度流行歌曲獎」的總投票人數是195483，盧瀚霆（Anson Lo）的慢歌《永順街39號》憑128677票而得獎。Anson Lo得知有獎後一臉愕然，他在台上說︰「好多謝ViuTV頒呢個獎畀我，多謝公司、多謝AM Team，多謝MIRROR成班兄弟，多謝鍾意呢首歌同埋投票畀我嘅每一位。呢首歌係我嘅一首慢歌，亦都係我好鍾意嘅一首歌。大家鍾意，我好開心，希望大家知道Anson Lo除咗跳唱之外，對慢歌都有一番熱誠。」
