李克勤昨晚完成最後一場紅館演唱會後受訪，表示觀眾的熱情令人感動。他說︰「可能耐冇做演唱會，佢哋真係好痴纏。今晚演唱會圓滿結束，我估我可能係香港開埠以來，喺紅館收得最多利市歌手。」克勤表示完成香港的演出後，會開始舉行世界巡迴演唱會，9月時或會到澳門開騷，歡迎歌迷到不同地區繼續捧他場。
說到他在個唱尾聲唱《一生不變》時感動欲哭，克勤說︰「的確好感動，但男人老狗盡量唔想喊，唱『別了那一天不知再相見』時真係要忍住。」有歌迷昨晚高舉「禁止李克勤退休」的燈牌，克勤笑言︰「佢哋好驚我退休，大家唔使擔心住，我家庭負擔重，唔會退休住。」
相關新聞︰李克勤尾場紅館騷 劉德華驚喜現身合唱 預告就快開個唱
