ViuTV選秀節目《全民造星V》今晚（1日）播出一集，39號參賽者Eddie（林堡熙，堡爺）被指貌似周國賢，而他曾參演過ViuTV劇集及綜藝節目演出，包括真人騷《阿女又戀嚟》﹑ViuTV劇集《黑市》及《和解在後》，有一定幕前演出經驗，而他更是香港閃避球代表隊員。他表演的項目是「殺陣」，Eddie造型一流，打扮成日本武士兼拿着刀，甚具氣勢。
Eddie表演完後說：「我2年前接觸（殺陣），玩耐咗我覺得唔好睇佢外表，喺練習過程中，每一次揮刀﹑每一個練習，都只專注一樣嘢，我覺得好啱我玩。」
陳詠燊則說：「我喺佢表演過程中，有一剎那信咗件事，無論佢表情﹑功架﹑應對及氛圍，我投入咗件事，咁呢樣係表演最基本，而佢做得到。」不過伍詠薇則說：「其實你用呢個表演嚟參賽都幾大膽，係好睇嘅，但係1分半鐘內，我又見唔到有啲乜嘢突破，整件事發生﹑完咗，略為平淡。」最後Eddie的演出只獲陳詠燊給予一盞藍燈，要落入復活區。
相關新聞：造星V｜23歲Jackson外型討好兼有腹肌 伍姑娘給藍燈進入復活區
