鄭裕玲（Do姐）和林家謙目前身在日本拍攝旅遊節目，2人繼續交戲放笑彈。今天（12日）林家謙在社交平台貼片，片段中他發現少了一張Blu-ray，剛巧他看到Do姐背囊又忘記拉拉鏈，更直指Do姐偷了他的碟，他說：「我以為你（Do姐）係好人嚟喎。」
Do姐聞言即反駁家謙：「邊個偷你隻碟呀？你隻碟自己行入我個袋度咋，點會偷你啫？我咩唔係好人呢？」家謙接着說：「我知點解喇，我估物以類聚嘅啫。（Do姐：乜嘢物以類聚呀？）即係同你一樣咁好睇囉﹗（Do姐：你係咪想送畀我呀？我勉為其難收咗佢呀﹗）」
此時家謙想搶回光碟，並說了句：「下次先送，偷嘢係唔啱㗎﹗」Do姐聞言即鬧他：「唔怪得之啲人話你『Mean謙』，行開呀﹗」林家謙在Ig留言寫道：「以為你是個好人。」Do姐也留言反駁：「我要罰你跳鈣質舞﹗」
