MIRROR成員姜濤昨晚舉行第2場個人演唱會《KEUNG TO "WAVES" IN MY SIGHT SOLO CONCERT 2023》，請來張繼聰及謝安琪夫婦擔任嘉賓。姜濤完成演出後，在社交平台上載兩張他在舞台底扁嘴及微笑的照片，留言︰「還有兩天！就可以吃火鍋了~」張繼聰留言「Thank you for having us bro」，感謝獲邀做嘉賓。
姜濤曾在演唱會上揚言視姜糖（粉絲暱稱）為屋企人，不少粉絲因此留言「同屋企人一齊打邊爐囉」、「點解你未約我？」、「我book咗枱啦」、「我哋依家一家人了，係咪可以一齊去打邊爐啊？」；有姜糖提議︰「話時話，有冇諗過同埋『家人們』一齊打先？最少成萬人，地方就難搵啲！可以考慮下搵個時間開住live打，我哋自己（byop） bring your own hotpot，一路睇你打，我哋又打。」
