MIRROR成員姜濤昨晚舉行第2場個人演唱會，請來張繼聰（阿聰）與謝安琪（Kay）夫婦現身。Kay先出場，與姜濤手拖手合唱《戀愛達人》，唱完後爆姜濤當初邀請她來合唱及拖手，但前日綵排時卻不敢望她。姜濤尷尬笑着解釋︰「因為綵排時阿聰喺隔籬，佢真係喺隔籬﹗我真係好鍾意你！」豈料此時，張繼聰突然從台底升上來，嚇到姜濤退後兼大叫︰「嘩﹗你呢個時候出嚟嘅﹗我唔知呢個，點解？」張繼聰扮惡問姜濤︰「喂！呢個女人邊個嚟？我哋之間點可以有第三個人喺度？」Kay緊接問姜濤︰「我都想問，你請我嚟做嘉賓，你請佢嚟做乜呀？」張繼聰續說︰「唔係呀﹗佢嚟拖你手，又唔畀飛我，就叫我升上嚟睇你哋拖住手﹗吓？」姜濤即時鞠躬道歉，Kay和張繼聰一起拍拍他，Kay說︰「幫你唔到呀﹗」
