鄭中基上月底在澳門舉行兩場演唱會，完騷後受訪時表示，盼能在紅館開騷，但當時仍未獲批，鄭中基說：「希望盡快香港見，我個個月入紙，今年已經冇，記得上次入13次才成功，希望今次唔好13次。」
今天（22日）鄭中基在社交平台公布喜訊，終於成功申請到紅館檔期，他形容為鐵柱終於磨成針，鄭中基表示由去年中秋開始入紙紅館申請，每個月都入，入足近1年，變成每月指定動作，當他收到紅館成功批給他們的一封信，當刻腦袋空白一片：「真係得咗啦？我真係暈一暈，然後花咗10幾分鐘冷靜咗個人之後就諗點樣部署。除咗通知各個部門之外，最想嘅就係同大家分享第一手消息，Show date大概係2024年2月13-18號，但實質日子暫時未定到，定到又再即刻話俾大家聽，我知道講到好亂，但係我真係好開心！農曆新年見，又係。」
