由鄭裕玲（Do姐）主持的HOY TV節目《去邊啊Do姐》，昨晚（5日）播出第2集，Do姐、林家謙兩位處女座繼續搞笑互窒。節目尾聲時，Do姐問家謙日本之行有沒有特別印象？家謙說：「最深刻係同你（Do姐）浸溫泉，我哋浸咗隻手指；食咖哩都冇難度﹑間酒店我幻想好似你屋企。（Do姐：我定你屋企呀？）當然係你啦，你咁有水（有錢）。（Do姐：我好多水？你夠多水咯﹗）正經啲正經啲﹗」
Do姐再追問家謙，和她合作的印象如何？家謙說：「輕鬆﹗（Do姐：仲有呢？一句咋，你作死﹗）我簡而精，只講重點，唔會長氣唔會拖嚟拖去。」家謙續說：「輕鬆同埋學識輕鬆，我覺得最好睇嘅係自己放輕鬆狀態。」Do姐又問家謙跟她合作是否很緊張？家謙死撐說：「冇呀﹗」Do姐分享跟家謙合作心情，她說：「冇乜嘢﹗因為太快呀，Warm up得嚟你已經要走喇﹗」
