惠英紅（紅姐）獲品牌邀請參加2024春夏米蘭時裝周，原來是紅姐首次參與米蘭時裝周，亦是首次踏足米蘭。來到米蘭這個時裝之都，紅姐坦言要大出血：「米蘭我未嚟過，我覺得係一個好有味道嘅地方。今次睇騷啲衫好靚，我覺得好適合我着，決定會買好多件。」紅姐指跟團隊外出吃飯時，她「得個睇字」，因她要著之前準備好的衫，驚肥不敢食太多。」
她在時裝騷與不少影星互相集郵，如憑泰國BL劇《因為我們天生一對》爆紅的Win、Marvel《奇異博士》系列電影主角班尼狄甘柏貝治（Benedict Cumberbatch）等。她最開心撞見不少好友如杜鵑，她們有1年無見好掛念。
紅姐分享著衫貼士，她表示自己對時裝有要求，重點是人着衫而非衫着人：「每個人都有自己嘅性格，同埋視乎自己嘅身形，我唔會勉強自己去着一啲現在好流行嘅衫。着衫最重要將自己缺點掩蓋，將優點暴露出嚟。我缺點就係唔太高，我就會搵啲衫着到自己好高，同埋我唔係太女性化，咁我就會着一啲比較偏少少帶中性，或者強悍一啲女強人嘅款式。」
