陳嘉寶（Anjaylia）最近拍攝護膚品牌廣告，鏡頭前飾演事業型自信媽媽，在家中處理家事則頭頭是道，鏡頭後的Anjay十足大細路，玩玻璃自拍之餘，更扮起周星馳（星爺）經典喜劇《家有囍事》中的表情動作，十分鬼馬。
最近Anjaylia參與葉念琛導演的新戲《不是你不愛你》，她說：「我喺電影嗰part已經拍完，係好開心嘅拍攝，因為自己一段好長時間都冇拍電影，對上一次已經係幾年前，所以去返拍電影嘅氛圍，同咁多工作人員去做好一件事，係好開心，好鍾意呢種感覺。尤其係今次同好多冇合作過嘅演員合作，亦有嚟自台灣嘅陳昊森啦，喺大家身上都學到好多嘢，好期待電影上映，因為好耐冇喺大銀幕見過自己。」
Anjaylia已多次跟葉導演合作，今次再度合作，感受很不一樣，她說：「係好感恩嘅，好多謝佢咁信任我，過咗咁耐都願意畀空間我去做，呢份信任係寶貴嘅，亦都畀到我信心，等我喺自己喺舞台前面係冇咁緊張。」
