劉德華（華仔）主演的電影《潛行》下周四（11日）在港上映，身兼監製的他找來幾位相識多年的武師參與演出，包括40年前合作拍攝劇集《神鵰俠侶》的「鵰兄」孖大、1994年在電影《刀劍笑》中合作的阿財，以及曾在拍廣告時合作的張華。 3人拍攝《潛行》當天，沒有戲分的華仔特別到場，他介紹一班武師及動作演員說：「點都要過嚟睇吓戰友，佢哋都仲係咁後生！」
孖大回憶當年與華仔一同拍攝《神鵰俠侶》的日子︰「佢未紅嗰時，我哋開工一齊喺路邊食飯。我最記得喺電視台拍《神鵰俠侶》，我嗰時做隻鵰，日頭拍外景，一齊吊威吔打餐飽，夜晚就一齊入廠做文戲。」阿財笑言跟華仔合作的日子不算太長，不明白為何常在戲中被他打。他說︰「呢套戲（電影《刀劍笑》）最困難，最辛苦，你問番佢就知。」阿財讚華仔記性好，會記得九成動作，頗厲害。
張華分享當年與華仔拍廣告吊威吔的事︰「佢拍一個廣告要吊威吔，現場有正指導同威吔指導。記得劉生同我講『你哋有咩唔明講聲我知』，但我好尷尬，因為我老闆喺度，我唔可以亂講嘢，所以冇答佢，好遺憾。」
