譚旻萱（Mandy）擔正電影《不是你不愛你》女主角，Mandy在戲中要面對多場沉重戲分，經常哭成淚人，對於性格樂天的她來說是大考驗，當中一場她要到醫院探望男主角陳昊森的場口，Mandy花了很長時間，一個人躲在廁所內靜思培養情緒，在場的工作人員不敢騷擾她。
她說：「因為比較沉重嘅戲，所以去廁所與世隔絕，戴耳機聽歌培養情緒，我聽坂本龍一嘅《Merry Christmas Mr. Lawrence》，同埋電影《After Sun》嘅配樂，我有一刻喺廁所覺得阿寶唔想出去，唔想Roll機，因為代表佢同家偉相處嘅時間，會慢慢減少，我唔係嗰啲見到人喊就想喊嘅人，反而會諗有咩辦法可以幫到對方，呢方面我比較似男仔。」
Model出身﹑在演戲的範疇還是初哥，Mandy感恩在《不》中遇到好對手，就是男主角陳昊森：「今次合作嘅演員個個都非常之好，並非因為前輩，尤其Edward，佢非常之靚仔，為人隨意、易溝通，會同你慢慢傾嚟緊場戲要點做，同佢拍戲你會好放心。」
