溫碧霞（Irene）日前出席活動發生意外，她靠住吧枱拍攝時，背後一頭長髮竟被枱上的蠟燭燒着，幸助手及時發現上前撲熄火種，她除了外層頭髮被燒燶，身體沒受傷。Irene回憶︰「好驚﹗我嗰日成把頭髮後面燒着晒，好彩內地助手及時發現，夠敏捷幫我吹熄，否則毀容。睇番呢兩張相，我都好驚，嚇死我，頭髮燒到燶晒。嗰日影相，冇留意後面有蠟燭，挨住枱影相，頭髮向後，好彩內地助手幫緊我影相，見到頭髮後面着火，好快手咁幫我吹熄，好危險，我驚魂未定，已感覺到後面頭髮斷晒、好大陣燶味，好恐怖，好彩頭髮夠厚，遮住背脊冇燒傷皮膚，只燒到面層頭髮。」
