「第四十二屆香港電影金像獎」今晚（14日）舉行，姜大衛憑《白日之下》首次提名就奪得「最佳男配角」。
他說︰「真係估唔到，我同我大佬秦沛，都要拍我細佬（爾冬陞）的戲攞獎，角色一個癲一個傻。個獎我送畀我太太（李琳琳），因為今年係我同我太太結婚50周年。佢話想低調啲，咁我就以最低調嘅方法將呢個獎交畀佢。I love you﹗其實有冇獎，我都冇乜所謂，我哋都要畀心機拍好一套戲，呢個係我50幾年前第一次攞獎時候嘅諗法。過咗幾十年之後，我發現獎對一個演員係幾重要。除咗係大家對我嘅肯定，亦都係自己畀自己嘅肯定。呢幾十年，我呢一世人就係做過一份工，就係電影人。電影畀到我一切，畀咗我家庭、朋友、我所有嘢。如果有第二世嘅話，除咗屋企人，我仲希望繼續做電影人。好多謝『天下一』老闆古天樂，多謝我細佬爾冬陞，多謝導演簡君晋，多謝《白日之下》台前幕後所有好朋友，我哋《白日之下》嘅團隊真係好勁，多謝﹗最後要多謝冇佢就冇我嘅師父張徹導演。」
「最佳亞洲華語電影」是《周處除三害》；「最佳剪接」由梁展綸、David Richardson（命案）奪得。
